فنان مصري يعزل نفسه بعد ظهور أعراض كورونا عليه.. شاهد فيديو اعترافه

فنان مصري يعزل نفسه بعد ظهور أعراض كورونا عليه
197
تابعنا عبر

فنان مصري يعزل نفسه بعد ظهور أعراض كورونا عليه

ظهر الفنان المصري حازم سمير في مقطع فيديو عبر حسابه على “إنستغرام”، بعد انتشار شائعات كثيرة عن إصابته بفيرووس كورونا،وقال فيه :”الحقيقة في اليومين اللي فاتوا عدد كبير من الأصدقاء كلموني عشان بيطمنوا عليا، بيقولولي إحنا سمعنا إنك عندك كورونا وبنكلمك عشان نطمن عليك ..أنا بشكر كل الناس اللي سألت عليا، كلكم أصحابي واخواتي، أنا قررت أعمل الفيديو دا عشان الأمور ما تاخدش أكبر من حجمها”.

وعن سبب انتشار الشائعة قال: “أنا كنت مسافر برا مصر، وبعد ما رجعت بحوالي 8 أيام ابتدت تظهر عليا أعراض دور برد، الأعراض دي في جزء كبير منها بيتوافق مع أعراض كورونا”.

وتابع: “وعشان أنا شخص موسوس، قررت أعزل نفسي بعيد عن مراتي وأولادي، مع طبعا التعقيمات وبلبس جاونتي، حماية للولاد ولزوجتي، واتصلت باكتر من دكتور وقالولي لازم أعمل إشاعة معينة على الصدر عشان يطمنوا إن ما فيش حاجة في الصدر”.
“وبالفعل عملت الإشاعة والدكتور قالي لازم نلتزم بتعليمات وزارة الصحة، بما إن الأعراض دي في تشابهات مع فيروس كورونا، فالأفضل إنك تعزل نفسك لمدة 14 يوم، وقاية لأهلك، وبالفعل فضلت جوا العزل، مع التزامي بالعلاج، والحمد لله دلقتي ما عنديش حرارة، وحالتي بقت أحسن، وفاضلي كام يوم والمدة تخلص، وأنا ما عملتش تحليل يقول إني سلبي أو إيجابي”.

اقرأ أيضا: من هي هذه الطفلة التي أصبحت اليوم ممثلة شهيرة

واختتم قائلًا: “كل المطلوب مننا إننا نلتزم بالتعليمات، والتوجيهات، عشان نعدي الأزمة، وأنا فخور جدا بحكومتنا بتعاملها مع الأزمة، الحمد لله الأمور تحت السيطرة، والوقت دا مش وقت إشاعات، وخليكوا في البيت، ولو سمحتوا اللي يظهر عليه أي أعراض يعزل نفسه”.

 

View this post on Instagram

 

A post shared by Hazem Samir (@hazemsamir.official) on

 

تابعنا عبر